منتديات المعلم العراقي

مرحباً بك يا معلمنا زائر


كاسرت عمري اعله عمرك

شاطر
avatar
hussain1
المدير الفني

ذكر عدد الرسائل : 612
العمر : 68
الأوسمة :
تاريخ التسجيل : 24/07/2008

كاسرت عمري اعله عمرك

مُساهمة من طرف hussain1 في 1/8/2008, 3:16 pm

عريان السيد خلف



كاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
غاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع
__________________

اخذني وياك

جملني بعد كطره 00 وخذني وياك


هناك 00 الفيض كلبك 00


حتى روحي تنام


عصفورة جرف 00 بلل جنحها الكيض


اخذني وياك


امشي ابغير واهس 00


والطواري كصار


وعيوني غرب 00 وجفوف اديه اوداع


واسمي 00 ابغير معنى 00


وميل كحلك غاب


وتنشدني اعله كلبي !


كلبي حب وذاب


ياكلبي حلك تنور 00 لو سرداب ؟


صوغني 00 ولو من ليلكم نجمه 00


تبات وياي


ومن تشبع سهر 00


ويجيسها الوهواس


اطفيها ابصبح 00


والغبشه رشكه ماي


واشعلني ولع 00


يدوي العطش بالعود


حتى انزع جلد روحي 00


وارد لصباي


أملني الفرح بسمك 00 ورد عالباب


فاحت ريحته 00 ولنك بعد ماجاي


بعد ماجاي !!


من ياصوت أصيحك ؟


والصدى ايجاريك


واكلك : مكدرت 00 يالتكدر ابلياي
__________________

(`'•.¸(` '•. ¸ * ¸.•'´)¸.•'´)
« ´¨`.¸.* أمـانـاً يـاعـراق *. ¸.´¨`»
(¸. •'´(¸.•'´ * `'•.¸)`'•.¸ )


_________________
][/]



كل الحب – معاً نبدع أكثر فأكثر

أنفاسي خطواتي نحو الممات .. و ربما تبقى لي ذكريات .. هكذا علمتني الحياة


avatar
المنتفض
المدير الاداري

ذكر عدد الرسائل : 1005
العمر : 46
البلد : العراق
المهنة : ثائر
المزاج : عصبي
الأوسمة :
تاريخ التسجيل : 22/06/2008

رد: كاسرت عمري اعله عمرك

مُساهمة من طرف المنتفض في 27/8/2008, 6:05 pm

ياكلبي حلك تنور 00 لو سرداب ؟

لحد يجيب طاري السرداب ... ممنوع

مشكور على القصيدة
avatar
طاهر الصدري
مشرف

ذكر عدد الرسائل : 805
العمر : 60
البلد : العراق
الأوسمة :
تاريخ التسجيل : 23/08/2008

رد: كاسرت عمري اعله عمرك

مُساهمة من طرف طاهر الصدري في 27/8/2008, 11:41 pm

كلام جميل مشكور اخوي000


_________________
.



احمد الصدري
معلم نشط
معلم نشط

ذكر عدد الرسائل : 313
العمر : 37
البلد : العراق
الأوسمة :
تاريخ التسجيل : 27/08/2008

رد: كاسرت عمري اعله عمرك

مُساهمة من طرف احمد الصدري في 11/9/2008, 9:43 am

مشكور اخي الكريم على القصيدة
avatar
مجاهد
مشرف

ذكر عدد الرسائل : 845
العمر : 39
البلد : العراق
المهنة : مدرس
المزاج : طالعه روحه
الأوسمة :
تاريخ التسجيل : 24/07/2008

رد: كاسرت عمري اعله عمرك

مُساهمة من طرف مجاهد في 11/9/2008, 5:12 pm

لحد يجيب طاري السرداب ... ممنوع

مشكور على القصيدة



هههههههههههه
ديربالكم لتفززون النايمين


_________________
.

    الوقت/التاريخ الآن هو 20/11/2018, 6:25 am