منتديات المعلم العراقي

مرحباً بك يا معلمنا زائر


قصيدة للمولى المقدس الشهيد الصدر (قدس) ياشهيد الجمعة

شاطر
avatar
الجرح
معلم جديد
معلم جديد

ذكر عدد الرسائل : 3
العمر : 48
البلد : العراق
تاريخ التسجيل : 16/03/2009

قصيدة للمولى المقدس الشهيد الصدر (قدس) ياشهيد الجمعة

مُساهمة من طرف الجرح في 18/3/2009, 4:42 am

بسم الله الرحمن الرحيم
توكلت على الله رب العالمين والصلاة والسلام على اشرف خلق الله
الرسول المسدد أبي القاسم محمد وعلى آله الطيبين الطاهرين والعنة الدائمة على من عاداهم إلى يوم الدين وأتم التبرك بتعجيل فرج قائم آل محمد آمين رب العالمين
يا شهيد الجمعة يبدر ألسمه
اليوم تبجي أعليك شيعة فاطمة
اليوم تبجي أعليك كل شيعة علي
يا لجنت بهموم شعبك مبتلي
حزن فكدك يا لصدر ما ينجلي
والجفوف أعليك تبقه لاطمه
الجفوف أعليك تلطم يا لصدر
أشما تطول أيا منه ويبقه العمر
والأحزان تزود كل يوم اليمر
والحياة بغير شخصك مظلمة
والحياة بغير شخصك سيدي
وسط روج الظلم تلقي وتفتدي
يمن بيك الناس كامت تهتدي
تايهه بحبك الشيعة وهايمه
تايهه بحبك الوادم للأبد
يمن بيك الدين عود ونوجد
ما بعد ما غاب نهجه ونفكد
بصوت عدلك كعدة ها لنايمه
بصوت عدلك عاد دين الله ورجع
من صلاتك وبخطابات الجمع
يمن حبك وسط كل مهجه انطبع
وسفه تغدر بيك مله ظالمه
وسفه تغدر بيك أصحاب الرجس
يا شعاع تغار من حبه الشمس
عله أمصابك ناحت الجن والأنس
يا بدر متوسط أنجوم ألسمه
يا بدر نوره يشع أبكل كلب
يا نبع وبنص ضما يرنه يصب
ثبت حبك يا شهيد بكل كلب
وسط كل شريان يجري وبالدمه
وسط كل شريان حبك يا لشهيد
بينه يسري ويوم والبعدة يزيد
راح نبقه أعليك نبجي وما نهيد
والدموع أعليك تبقه ساجمه
الدموع أعليك ضلت هامله
والأحزان أتزيد وتنوح الملة
وحق من طاح بمصيبة كربله
للأبد ذكراك تبقه دايمه .
أسألكم الدعاء

    الوقت/التاريخ الآن هو 18/8/2018, 4:25 am