هوسات شاعر الفرات الاوسط (حسين الشامي) المهدوية

بميلادك نهني الكون نهني السيد القائد
لاجلك قدمينا الروح والله الواحد الشاهد
مو عن طمع مولاي طاعة مؤمن وزاهد
شما كالت علينا الناس الاعمى الحاقد الجاحد
باجر ننتظر مولاي ظهورك والامر وارد
راياتة كل جندي يحظر ها ها


ميلاد السلام اليوم يوم المحكمة الكبرى
يوم العدل والانصاف يوم تناصر العترة
كل مؤمن يسل السيف والميت يشك كبرة
بالك لا تظنهة بعيد قريب المسألة وخطرة
صفي الكلب صفي البال وابصم كوم بالعشرة
وقع بالكلب بالعين بنزفك باخر قطرة
وانذر دمك لمولاك ومن اعداهم تبرة
مسروجة يخيول القائد ها ها ها


نبصم للعهد وياك ياابن الحسن للوحة
روح الما تحب حسين شما جذبت مفضوحة
راية عمك العباس يم النهر مطروحة
انهض ياابن حامي الجار ابوك مهدمة صروحة
رد لينة عذبنة غيابك ها ها رد لينة

الله الله الله
هاي المواضيع الحلوة يا شيخنا العزيز
منور اليوم ابو نور الشامي

أزد ثم أزد

الله ينور كلبك راح تجيك قصيدة ترحيب لشهر رمضان هدية من ابو نور الك

احنه بالانتظار
سلامي للغالي ابو نور الشامي