قصيدة ـ ثاري الهدف مو كربلا... قيمة وجدر هريسة
شعر: سمير عبيد
Friday 22-08 -2008
الصورة / للملكة السومرية شبعاد
ـــــــــــــــــــ
مكَلوب دولاب الوكت
والشيخ يسمع أليسا*
خربانه الزلم يا صاحبي..
والوضع صاير خِيسه*
الوطن مبيوع إبظهر
والشعب تلفان ويوّن..
باكَو يخي جيسه*
ونكشفت ألاعيب الذقن..
والمسبحة مودة إطـّلَعَت
ثاري الهدف مو كربلا
قيمة وجِدر هاريسه*
*****
لوريات بصوات الغُرب..
جايه تنتخب يا عم
وحزاب متحزمة عللبطن..
تركص على أنهار الدم
الله يسترك يلبلد
... من هالأفاعي إوسم
شايف غيوم أملبّده..
فوك الأهل تلتم
بالعَلوَه* داسو هالوطن..
والسمسار كَال إبكم
معقوله ينباع الشعب ..
معقوله الوطن ينذم
عيب العكَل تنلبس...
والنسوان تحرم عزّلم
لوظل البلد منتهك ...
وتتفرج العالم علفـــــلم
إمْلايين عَمْلوَل هوست ..
ما تدري شنهو الفيلم
كَالولهم بالجزيرة ملج*...
والسيستاني بيها إنشتم
ببو غريب داسو عالعرض..
ونكحوها ذيج الزلم
محد هتف محد ردح
.. وماشفنه فتوى أهل العلم !
الله وكبر علزمن..
إحنه إبصحو لو بالحلم
إشبيها المراجل غادرت..
وشبيها حِبّل هَزّلم
****
صَبْحَت فرحانه الزلم..
وكلهم يريدون الفوز
كوندي * إجت أول أمس ...
وفرشوا صواني اللوز
ومحد للشعب يلتفت..
إتزحلك ابكَشرك يا موز
مسكين هذا الشعب..
متخاوي وي العوز
يردح ويهتف كل عهد..
وبالتالي يمسح بوز
ومطيره تستولي عللثمر..
و كَشرك للشعب يا جوز
جايتنا مصايب كَشر..
والشربه* تشيخ عللكوز*
والأمر جاي إوعلي ....
إنعيش إبرعب وسط العوز
والحل.. ابرفس الجذع...
وخل يدهده هذا الكوز
مسموم مايه إوعلي...
وبيه نجاسه إ وطوز
محلاه مايك يا وطن..
يا عطر الورد والروز
****
أمريكا تذبح بالأهل..
عدهم هدف بغداد
البصرة راحت يا هلي..
والنجف صارت مزاد
بيع وشرا راح الغري*..
وتحلم إتزوره الأحفاد
والمنصور* إنزاح أبعجل..
وتتفرّج عليه الأوغاد
إرموزنا صارت مزبله..
بمر الغُرب يولاد
ماظل كلشي انتهى...
ظلت بس ظفيرة شبعاد*
*****
ثاري الهدف مو كربلاء ...
آثار ونفط بالمزاد...!
ــــــــــــــــــــــــــــــــــــــــــــــــــــــــــــــــــــــــ
توضيح الكلمات:
• اليسا : مطربة لبنانية
• خيسه: هو الماء الآسن باللهجة العراقية
• جيسه: تحت الجيم ثلاث نقاط.. وهي تعني الكيس أي ( كيسه)
• العلوة: هو المكان الذي يحصل فيه المزاد على الحبوب والأثاث وغيرها
• الملج: يعني الجني باللهجة العراقية
• الشربة: وهي قارورة من الفخار يتبرد بها الماء صيفا
• الكوز: أناء عميق من الفخار يبرد به الماء صيفا ويربط للأشجار عادة
• الغري: هو الأسم القديم لمدينة النجف
• شبعاد: ملكة سومرية عراقية قديمة
شعر: سمير عبيد
Friday 22-08 -2008
الصورة / للملكة السومرية شبعاد
ـــــــــــــــــــ
مكَلوب دولاب الوكت
والشيخ يسمع أليسا*
خربانه الزلم يا صاحبي..
والوضع صاير خِيسه*
الوطن مبيوع إبظهر
والشعب تلفان ويوّن..
باكَو يخي جيسه*
ونكشفت ألاعيب الذقن..
والمسبحة مودة إطـّلَعَت
ثاري الهدف مو كربلا
قيمة وجِدر هاريسه*
*****
لوريات بصوات الغُرب..
جايه تنتخب يا عم
وحزاب متحزمة عللبطن..
تركص على أنهار الدم
الله يسترك يلبلد
... من هالأفاعي إوسم
شايف غيوم أملبّده..
فوك الأهل تلتم
بالعَلوَه* داسو هالوطن..
والسمسار كَال إبكم
معقوله ينباع الشعب ..
معقوله الوطن ينذم
عيب العكَل تنلبس...
والنسوان تحرم عزّلم
لوظل البلد منتهك ...
وتتفرج العالم علفـــــلم
إمْلايين عَمْلوَل هوست ..
ما تدري شنهو الفيلم
كَالولهم بالجزيرة ملج*...
والسيستاني بيها إنشتم
ببو غريب داسو عالعرض..
ونكحوها ذيج الزلم
محد هتف محد ردح
.. وماشفنه فتوى أهل العلم !
الله وكبر علزمن..
إحنه إبصحو لو بالحلم
إشبيها المراجل غادرت..
وشبيها حِبّل هَزّلم
****
صَبْحَت فرحانه الزلم..
وكلهم يريدون الفوز
كوندي * إجت أول أمس ...
وفرشوا صواني اللوز
ومحد للشعب يلتفت..
إتزحلك ابكَشرك يا موز
مسكين هذا الشعب..
متخاوي وي العوز
يردح ويهتف كل عهد..
وبالتالي يمسح بوز
ومطيره تستولي عللثمر..
و كَشرك للشعب يا جوز
جايتنا مصايب كَشر..
والشربه* تشيخ عللكوز*
والأمر جاي إوعلي ....
إنعيش إبرعب وسط العوز
والحل.. ابرفس الجذع...
وخل يدهده هذا الكوز
مسموم مايه إوعلي...
وبيه نجاسه إ وطوز
محلاه مايك يا وطن..
يا عطر الورد والروز
****
أمريكا تذبح بالأهل..
عدهم هدف بغداد
البصرة راحت يا هلي..
والنجف صارت مزاد
بيع وشرا راح الغري*..
وتحلم إتزوره الأحفاد
والمنصور* إنزاح أبعجل..
وتتفرّج عليه الأوغاد
إرموزنا صارت مزبله..
بمر الغُرب يولاد
ماظل كلشي انتهى...
ظلت بس ظفيرة شبعاد*
*****
ثاري الهدف مو كربلاء ...
آثار ونفط بالمزاد...!
ــــــــــــــــــــــــــــــــــــــــــــــــــــــــــــــــــــــــ
توضيح الكلمات:
• اليسا : مطربة لبنانية
• خيسه: هو الماء الآسن باللهجة العراقية
• جيسه: تحت الجيم ثلاث نقاط.. وهي تعني الكيس أي ( كيسه)
• العلوة: هو المكان الذي يحصل فيه المزاد على الحبوب والأثاث وغيرها
• الملج: يعني الجني باللهجة العراقية
• الشربة: وهي قارورة من الفخار يتبرد بها الماء صيفا
• الكوز: أناء عميق من الفخار يبرد به الماء صيفا ويربط للأشجار عادة
• الغري: هو الأسم القديم لمدينة النجف
• شبعاد: ملكة سومرية عراقية قديمة
