منتديات المعلم العراقي

مرحباً بك يا معلمنا زائر


تربة و سبحة و سجادة ... قصيدة الشاعر علي الجبوري

شاطر
avatar
المنتفض
المدير الاداري

ذكر عدد الرسائل : 1005
العمر : 46
البلد : العراق
المهنة : ثائر
المزاج : عصبي
الأوسمة :
تاريخ التسجيل : 22/06/2008

تربة و سبحة و سجادة ... قصيدة الشاعر علي الجبوري

مُساهمة من طرف المنتفض في 28/9/2008, 5:06 am


.

هذه القصيدة من نظم الشاعر المبدع علي الجبوري ( أبو أمير )
أرجو أن تنال إعجابكم

تربة وسبحة وسجادة.......... هنّه الهذا الوطن اوتاده
والمطلوب ايجــــــاده.......... ليش السبحة بلا شاهود
والتربة تضيع السجاده
***************
المثل يكول
كل الما يعرف تدبيره
تظل حنطاته تلوج شعيره
ولو وكعت خرزة من السبحه.......... شلون المؤمن ياخذ خيره
شلون يكمّل تسبيحاتـــــــــه .......... ولو كبّر ينقص تكبيــــره
الله أكبرتملي الدنيــــــــــــــه .......... خاسر كلمن زل تعبيــــره
شاهودين بخيط السبحــــــه ..........ولو واحد حكّم تفسيـــره
هوّ الكون إشال جبالـــــــــه ..........و سيّر أفلاكه بتقديـــــره ؟
يمّك ظلت هاي السبحـــــــه ..........واليحجي يوضّح تبريــره
********************
شاهدنه الوطن بلا قائــد .......... تتربصله عيون اوغــــاده
عاش سنين بغلّ الحاقـــد .......... جبال وزالت ذيج احقـــاده
كلنه الجمعه جفنه الواحد .......... وتراب الكوفة السجــــادة
وتربتنه الاخلاص وغيره .......... شالتهه العوّام وســــــــادة
وذيج الناس الجانت تحلم .......... تعيد الهذا الوطن امجـــاده
لبست خاتم ذهب امريكـي .......... وياهم نجلي احنه بسمباده ؟
********************
والسجّادة كالوا عتكـــــت .......... ختغيّر موضعهه التربـــــــه
تصير بأطراف السجــاده .......... لو نفخرهه وتصبح شربـــه
ومنهه انبيع اعداد هوايه .......... لو تتحول راس الحربـــــــه
بويه التربه موضع سجده .......... وللّه يمعودين القربــــــــــه
كالوا حجيك ما بي معنـــه .......... والسجادة تعيف التربــــــــه
******************** *
كلنه القائد احنـــه اولاده .......... منّه اتعلمنه الثوريــــــــــــه
ترجمنه ال ( كلا ) حرفياً ..........وعدكم فكرة الهالخلفيــــــــه
ليش موشّح باجمل خامه ..........أجمل شذره عله الصدريــــه
ياهو القاوم جف امريكا .......... وياهو الرد عله الغازيـــــــه
صورتوا الكوفة بلا مبدأ .......... ومسجدهه يزخ علمانيـــــه
والقائد لازم يتنحّــــــــــه .......... كل أفكاره من البعثيـــــــــه
******************** *
ردّوا و عدّوا بحب السبحه ..........تعد واحد ما بعد الميــــــــه
أسماء الله الواحد هــــــــوّ.......... وكلّ الكون ايعيش بفيّــــــه
خل بيبان الحب تتفتّـــــــح ..........نبني الدار نصفّي النيّـــــــه
بكاع الوطن إنمد سجّـــاده ..........مو سجاده إنمد زوليّــــــــه
وصف واحد تصبح وكفتنه ..........ونتخلّص من العرقيّـــــــــه
ونتخلّص من العرقيّــــــــه
علي الجبوري


احمد الصدري
معلم نشط
معلم نشط

ذكر عدد الرسائل : 313
العمر : 37
البلد : العراق
الأوسمة :
تاريخ التسجيل : 27/08/2008

رد: تربة و سبحة و سجادة ... قصيدة الشاعر علي الجبوري

مُساهمة من طرف احمد الصدري في 29/9/2008, 7:50 am

صح لسانك اخي الكريم

مشكور لك على هذه القصيدة الجميلة

    الوقت/التاريخ الآن هو 20/11/2018, 6:22 am